J&K: Pulwama-ah firfiakin sipai 2 that

Jammu and Kashmir-a Pulwama-ah nimin khan Central Reserve Police Force (CRPF) patrol chu firfiakin an lo bei a, sipai pahnih an thih bakah midang panga an hliam.

Inbeihna thlen hun hi chhun dar 12:50 vel a ni a, Kashmir chhim lama awm Pulwama district-a Pampore bypass-ah niin helai hmunah hian sipaite chuan beihpui an thlak chhun­zawm nghal.

CRPF hliamte hi district damdawi-in panpui an ni a, eng firfiak pawl nge tih pawh tarlan a la ni lo. 

Helai hmunah hian tunhnaiah firfiakte'n sipai ṭum thum ngawt an bei tawh a ni. Police-te chuan CRPF patrol hi firfiakte hian an lo kap tih an sawi.