BJP manifesto committee ṭhu khawm

Lok Sabha inthlan lo awm tura inbuatsaihna atan Bharatiya Janata Party (BJP) chuan election manifesto committee dinin, committee hi Thawhṭanni khan New Delhi-a BJP headquarter-ah an ṭhu khawm.

BJP election manifesto committee ṭhut khawmna hi union defence minister, Rajnath Singh leh union minister tho, Piyush Goyal te chuan kaihruaiin, union minister dang paruk leh chief minister pathum bakah party hruaitu eng emaw zat an tel a, Lok Sabha inthlan hmachhawn tura BJP-in campaign au hlaa an hman tur leh, mipui hnena an inzawrhna tur te an sawi a ni.

Election manifesto committee ṭhut khawmnaah hian kum 2047 atana India hmathlir leh India buatsaihna, Viksik Bharat chu sawi len leh mipui ngaihven ber a nih thu an sawi. BJP-in missed call service an kalpui aṭangin mipuiin manifesto atana rawtna an neih, nuai 3 chuang an dawn tawh thu leh, Prime Minister Narendra Modi app, Namo kaltlanga rawtna nuai 1 chuang an dawn tawh thu te an tarlang bawk.

Goyal chuan mipui aṭanga rawtna an dawnte chu hlawm hrang hranga ṭhen a, committee leh huna an ngaihtuah chhunzawm tur thu sawiin, assembly constituency 3,500-ah video van 916 tirin, mipuite ngaihdan laa an tlan kual reng thu a sawi lang bawk a ni.