ECI-in Dilip Ghosh leh Supriya Shrinate te notice a pe

Election Commission of India (ECI) chuan hmeichhe chungchang mawi lo taka an sawi avangin Model Code of Conduct (MCC) bawhchhiaah puhin, BJP hruaitu Dilip Ghosh leh Congress mi, Supriya Shrinate te notice a pe.

ECI hian Dilip Ghosh leh Supriya Shrinate te hi inthlan kaihhnawihah mimala inbiakpawhna hmanrua an neihte vil leh ensak zui chhunzawm reng an nih tur thu a sawi a, an awmna party-te ve ve pawh hriattirna lehkha pein, an party mite vantlang mipui mit hmuha an lan danah fimkhur tur leh uluk turin an ngen bawk a ni. ECI chuan March 16-a inthlan hun puan a nih khan MCC hman ṭan nghal a nih thu leh, party hruaitu pahnihte chet dan leh ṭawngkam hman chu MCC bawhhchhiatna a nih thu an tarlang bawk.

Dilip Ghosh hi West Bengal-a BJP hruaitu a ni a, West Bengal chief minister, Mamata Banerjee lo chawr chhuahna chhungkaw chungchang mawi lo taka sawia puhin Trinamool Congress chuan ECI hnenah complaint an theh lut a ni. Supriya Shrinate hian BJP-in Lok Sabha inthlan chuh tura an party candidate an puan zinga mi, Kangana Ranaut thlalak chu social media lamah post-in, Kangana diriamna leh elsenna thu a ziak tel a, hei vang hian BJP chuan complaint an theh lut ve bawk a ni.