Kejriwal man duh loh lantir nan AAP hruaitute'n chaw nghei dawn

Aam Admi Party (AAP) hruaitute chuan Enforcement Directorate (ED)-in an party hruaitu leh Delhi chief minister, Arvind Kejriwal-a man an duh lohna lantir nan April 7 hian chaw nghei an tum thu an puang.

AAP hruaitu, Gopal Rai chuan April 7-ah Jantar Mantar-ah chaw nghei an tum thu hi puangin, Delhi-a awmte mai bakah ram pum huapin mi zawng zawng, an party hruaitu dik lo taka man a nih duh lohna lantir nana lungawi lohna chaw nghei an neih tur zawm turin a sawm bawk a ni. Rai chuan,"Delhi chief minister man a nih hi i duh lo a, i dodal ve a nih chuan, khawi hmunah pawh awm la April 7 hian chaw lo nghei ve rawh, i awmna hmun a pawimawh lo. Hemi ni hian Delhi sorkara minister te, AAP MP leh MLA te, hruaitu zawng zawngte chu Jantar Mantar-ah chaw ngheiin kan pung khawm dawn a ni," tiin a puang.