Rajya Sabha member thlan tharte la lut

Rajya Sabha chairman, India vice president, Jagdeep Dhankar chuan nimin khan India rama rorelna in sang zawk, Rajya Sabha member thlan tharte lak luhna hun a hmang.

April 2 leh 3 khan Rajya Sabha member 54 zet chu an term tawp avangin an chhuak a, seat ruak luah tur hian state hrang hrangah February thla khan inthlan an lo nei tawh a ni. Heng zinga mi 12-te hi nimin khan Rajya Sabha chairman hian parliament house-ah rinawmna thu tiamtirin, member atan a la lut a ni. Nimina Rajya Sabha member lak luhte hi; Dharmshila Gupta, Manoj Kumar Jha, Sanjay Yadav, Govindbhai Laljibhai Dholakia, Subhash Chander, Harsh Mahajan, G.C. Chandrashekhar, L. Murugan, Ashok Singh, Chandrakant Handore, Medha Vishram Kulkarni leh Sadhna Singh te an ni.