Udupi-ah Lok Sabha inthlan boycott an tum

Karnataka state-a Udupi-Chikkamagaluru Lok Sabha constituency chhunga awm, Kattingeri khua chuan kum 2024 Lok Sabha inthlan lo awm turah an khua chuan vote thlak lo a, inthlan boycott an tum thu an puang.

Kattingeri khaw mipuite hian inthlan awm tur reng rengah vote thlak an tum loh thu hi sawiin, Lok Sabha inthlanah pawh vote thlak an tum loh thu leh, an thil phutte pek an nih hma chuan vote an thlak loh tur thu hi an sawi a ni. Kattingeri khaw mipuite hian ni tin nunphung atana an mamawh zualpui, kawng ṭha, lèi leh khaw chhunga veivahna atan lirthei pawh an neih ṭhat loh thu an sawi. Gram panchayat hotu, Shivaji S Suvarna chuan Kattingeri-a voter awm dan sawi langin, tun hma pawha an khuaa hmasawnna hna thawh tura ruahmanna eng emaw zat siam a ni tawh chung pawhin hnathawh hmuh tur engmah a la awm loh thu te a sawi a ni.

Panchayat hruaitute hian an bialtu MLA leh MP-te ngei pawh an dem thu sawiin, an khua chu an ngaihthah a, an harsatna sutkian a nih theih nana tuna Lok Sabha inthlan boycott an tum pawh District Election Officer leh State Election Commission hnenah an thlen tawh thu an tarlang bawk. Kattingeri khaw mipuite chuan an khaw tana kawng ṭha mai bakah, an mamawh pek an nih a, harsatna sukiang tura hmalakna a awm hma chuan an thil tuma an din ngheh tur thu leh, vote thlak an tum loh thu an sawi.