PM-in Left-Congress thawk dun sawisel

Prime Minister Narendra Modi chuan West Bengal Assembly inthlana Left Party leh Congress thawkdun leh rorellai Trinamool Congress chu Pathianni khan na takin a bei. Left leh Congress chu Saradha in investor-te sum a tihchingpen sak chungchangah a dem tel bawk a, state chhunga bank branch mamawh zat hawng thei loah a puh.

PM hian rally a neih hmasakah Trinamool hotu leh West Bengal Chief Minister Mamata Banerjee chu eiruk chungchangah na takin a lo bei tawh a, Left-Congress thawkdun pawh Bengal-a ṭhianṭha ang taka lang siin, Kerala-ah na takin an inbei a ni, a ti.

Pathianni-a Kolkata-a Shahid Minar ground-a rally a neihah, PM chuan Left leh Congress thawhdun tum dan chu mipui bum an tumna mai, thil≠sual lian tak niin a puh a, Bengal leh Kerala mipuite chuan an ngaithiam thei dawn lo niin a sawi.

Saradha scam chung≠changah Trinamool Congress a beih rualin, PM chuan Congress leh Left party chu bank branch hawn tam tawk lohah mawhphurtuah a ph bawk. "Congress leh Left party hian mi retheite tan bank tam zawk lo hawng ni se, Saradha-ah khan an sum peipun tumin an dah lo ang" a ti. Party pahnihte chu Bengal-a an thawkdun thei a nih chuan, Kerala-ah pawh thawkdun turin a ti bawk.