PM-in Jammu and Kashmir a tlawh

Prime Minister Narendra Modi chuan nimin khan Jammu and Kashmir a tlawh.

PM hian Reasi district-a Ktara khuaah Mata Vaishno Devi Shrine base camp a pan a, Shri Mata Vaishno Devi University convocation a hmanpui bakah Shri Mata Vaishno Devi Narayana super specialty hospital a hawng nghal bawk.

Khum 250 awmna super specialty hospital hi cheng vaibelchhe 300 senga sak a ni.

PM Modi hian Katra khuaa sports complex a hawng nghal a, public rally-ah thu a sawi bawk. PM-in a tlawh dawn vang hian Katra khuahah a bik taka training pek, special protection group (SPG) commando tam tham tak duty tir an ni.

Hetihlai hian Kashmir Valley boruak chuan ziaawm lam a pan zel. Sipaiin school naupang hmeichhe pakhat mipat hmeichhiat lam hawia mawi lo taka a khawih nia thuthang a awm vangin mipui thinrim leh sipaite inkarah buaina a chhuak a, buaina chhuak vang hian civil mi panga-in nunna an chan phah a ni. Mahse Thawhṭanni khan hmeichhe naupang hian amah tibuaitu chu sipai a nih loh thu, tualchhung mi pahnih, pakhat zawk phei chu school uniform ha a nih thu Chief Judicial Magistrate (CJM) hnenah a hrilh a, hemi hnu hian boruak pawh a ziaawm chho ta a ni.

Thawhṭanni zan khan police-te chuan Handwara khuaa hmeichhe naupang tibuaitu nia sawi mi pahnih zinga pakhat, Hilal Ahmed Bandey chu an man.