Odisha-ah khawlum vangin mi 45 thi

Odisha state-ah khawlum lutuk vangin mi 45 an thi tawh. State chhunga khaw 16 ah chuan khaw lum lam hian 40 degree celsium a pel vek a ni.

State khawthlang lam bial chu a lum zual bik a, a lumna ber Sonepur-ah chuan 46 degree a thleng niin Indian Meteorological Department (IMD) chuan a tarlang. Mahse tuipui kam leh hmun ṭhenkhatah chuan khaw lum hian ziaawm lam a pan niin a tarlang bawk.

Odisha Special Relief Commissioner Prabhat Ranjan Mohpatra chuan khawlum tuar loa thi report chu mi 45 an tling tawh niin a sawi. Mahse state sorkar chuan khawlum vanga thi an awm lo niin a sawi thung.