BJP-in Nitish Kumar chhang

Bihar Chief Minister Nitish Kumar-an RSS leh BJP awm lohna India ram din a ṭul thu a sawi chu BJP chuan a chhang let.

BJP chuan Janata Dal-United (JD-U) hruaitu, Nitish Kumar chu na taka chhangletin, a suangtuahnaa a duhthusam a sawichhuak ve mai mai a ni, a ti. BJP thupuangtu, Syed Shahnawaz Hussain chuan, "Amah Nitish Kumar ngei pawh hi kum 17 chhung BJP a thawhpui a, engvangin nge BJP awm lohna India a duh thu a sawi theih?" a ti. Bihar CM thusawi chu tualṭo party hruaitu,rampum huapa intihlar tumna atana sawi ve mai a ni, a ti.

JD-U chu tualṭo party pakhat ve mai, Bihar assembly inthlanah pawh seat awm zawng zawngah pawh chuh ngai lo a ni tiin Hussain chuan a sawi a, Kumar chuan national politics-a chanvo pawimawh tak chelh ve chakin a suangtuahna a sawichhuak a ni, a ti.

Hussain chuan, "A duhthusam a sawichhuak a, mahse hengte hi tihpuitlin a ni ngai lo ang. Bihar-ah pawh Janata Dal chu an inpumkhat thei lo a ni a, Nitish Kumar-a hian hetiang thu a sawi hma hian a party hi national level-a lang tura a siam phawt a ngai a ni" tiin a sawi.