Mi 5000 chuangin bank-ah leiba cheng vaibelchhia 56,521 an nei

United Spirits Ltd chairman hlui leh Kingfisher Airlines neitu, Vijay Mallya-an bank hrang hrang aṭanga loan a lak a rulh theih loh chung≠chang chuan buaipui a hlawh hle a, hetihlai hian loan rul duh lo midang tam tak an awm mek bawk.

India rama Credit Information Company hmasa ber, Credit Information Bureau Limited chuan ram chhunga bank hrang hrang aṭanga loan la, rul duh lo mi 5,275 ten bank-a an sum bat tlingkhawm chu cheng vaibelchhe 56,521 a tling tih a tarlang. Loan latute sum bat zat hi kum 2016-17 chhung tana sorkar laipuiin agriculture budget atana a sum dah aiin a let 1.5 in a tam zawk a ni.

Winsome Diamonds leh a thawhpui firm, For≠ever Precious Dia≠monds and Jewellery chuan Standard Charter≠ed Bank kaihhruai bank intel≠khawm≠te lakah cheng vai≠belchhe 6,800 a ba mek. Decca Chro≠nicle Holdings company pawh≠in bank 18 hnenah loan a lakna cheng vaibelchhe 4,000 a ba bawk. A loan lakna hi Andhra Bank, Corporation Bank, IDBI Bank bakah private sector bank-te an ni. Com≠pany in a thil neih zat a tarlan chu a loan lak rulhna tur pawh a tling phak lo.

Mumbai-a inkhuar, engineering procurement and construction firm, Zoom Developers chuan bank eng emaw zat hnenah cheng vaibelchhe 2,400 a ba mek bawk. Company hian Europe-a project hawnna tur tiin loan hi a la a ni.

India rama diamond company lian 10 zing≠a tel, Surat-a hmunpui nei JB Diamond pawhin State Bank of India hnuaia bank 14 intelkhawm hnenah a loan lak cheng vaibelchhe 800 a ba. Bank-te hian RBI hnenah company hi blacklist-a telh turin an lo thlen tawh a, JB Diamond factory chu dapin an kharsak tawh bawk.