EC-in BJP hruaitu lakah thubuai thehlut dawn

Election Commission chuan West Bengal-a Birbhum district-a inthlan neihnaah presiding officer a vau avangin BJP hruaitu Locket Chatterjee-i lakah First Information Report (FIR) a thehlut dawn.

Additional Chief Electoral Officer Dibyendu Sarkar chuan, "Chatterjee-i hian sorkar hna thawktu vau a, a hna thawk thei loa a siam avangin a laka thubuai kan thehlut dawn a ni" a ti. Presiding officer-in complaint a thehluh behchhana case chu thehlut tur an nih thu a sawi bawk.

Locket Chatterjee-i hian April 17-a state assembly inthlan thawh hnihna neih a nih ṭum khan a constituency, Ma≠yu≠reswar-a booth pakhata presiding officer chu vauin, vote tihchingpen a phalsak niin a puh. Presiding officer a vau lai hi an mobile phone-a lo record turin an party worker-te a hrilh bawk.