Pathankot case : Pakistan-in India dilna remti mai thei

Pakistan Prime Minister Adviser on Foreign Affairs, Sartaz Aziz chuan firfiakten Pathankot Air Base an beih chungchang chhuina kalzelah, India-in Pakistan rama National Investigation Agency (NIA) team kal phalsak tura a ngenna chu an remti mai thei niin a sawi.

Aziz chuan India rama Pakistah High Commissioner Abdul Basit-an ram pahnihte inremna kawng zawnga hma an lakna tihtawp rih a ni tia sawi chu, an chawlhsan ta tihna a ni lo tih a sawi a, Indo-Pak dialogue pawh chhunzawm leh thuai a ni dawn tih a sawi bawk.

Pakistan firfiakten Pathankot air base an beih chungchang chhui≠in tun hnaiah Pakistan Joint Investigation Team (JIT) chu an rawn zin a, NIA team-in an lo kawm bakah, Pathankot-ah pawh hruai an ni. Mahse JIT team haw hnu hian Pakistan palai, Basit-a chuan he pawikhawihna thleng chungchang chhuitu India team chu Pakistan rama an kal ve phalsak a rinawm loh thu a lo sawi a ni. Hemi hnu hian Aziz chuan Basit-a thusawi hi hliahkhuh tumin a rawn ṭawng≠chhuak ve leh a ni.