PM Modi-a'n Bihar-ah rally a nei

Prime Minister Narendra Modi chuan 2024 Lok Sabha inthlan lo awm tur inbuatsaih nan Bihar, Nawada-ah rally neiin, rally-ah hian eptu party ṭangrual pawl, Indian National Development Inclusive Alliance (INDIA) beiin, Congress manifesto-ah chuan Muslim League sulhnu hmuh theih a nih thu a sawi.

PM Modi chuan Bihar-a INDIA thawhpui, Rashtriya Janata Dal (RJD) chu Bihar-a Jungle Raj dintuah puhin, Nawada chu BJP leh NDA tan malsawmna an nih reng zawk thu a sawi. Modi chuan BJP thawhpui, Nitish Kumar lo lan hnuah chauh Bihar chuan hmasawnna hmel an hmuh thu sawi lang bawkin, Bihar-ah chuan hna thawh belh a, retheihna um bo tura lo kal a nih thu a sawi a ni. Nawada-ah hian April 19-ah vote thlak a ni dawn a, BJP aṭang hian Vivek Thakur a ding dawn a ni.