Min man vangin pawisa an hmuh phah lo ang : Vijay Mallya

Sumdawng lian, leiba ngah avanga talbuai mek Vijay Mallya chuan a leibatna bank-te nen chuan sum rulh dan chung≠changah inremna ṭha tak siam a duh thu a sawi.

London-a tihchhuah, Financial Times chanchinbu-in interview a neihah he thu hi Mallya hian a sawi a ni.

Mallya hi March 2 khan a leibatna bank hrang hrangten Supreme Court-ah an thlen hnuah, March 2 khan Delhi aṭangin London a pan a, tun thlengin a la rawn kir duh lo a ni.

Kum 60 mi, Mallya chuan, "Bank-te nen hian kan inbe reng a, chinfel dan kawng zawn an duh thu pawh an sawi. Kan leiba te kan rulh theih dan tawk mil tura mumal taka inremna siam kan duh a ni. Ka passport min laksak emaw, min man emaw a nih avang ringawtin pawisa hi an hmuh phah dawn lo a ni" a ti. Britain chu chhuahsan a tum loh thu a sawi bawk.

Sorkar laipui chuan Ningani khan Britain sor≠kar hnenah Vijay Mallya hi a thubuai neih hrang hrangte hmachhawn tura India rama thawn kir turin a lo ngen tawh a ni.