Vawiin-ah West Bengal inthlan thawh li-na nei dawn

West Bengal assembly inthlan thawh li-na chu vawiin hian constituency 49 ah neih a ni leh dawn.

Inthlan thawh li-na neihna tur hi North 24 Parganas leh Howrah district huam chhungah a ni a, venhimna khauh taka kalpui a ni dawn a, venhim hna thawk tur hian central police force company 682 bakah state police 22,000 dah an ni.

Constituency 49-a inthlanna neih turah hian vote nei mi vaibelchhe 1.07 an awm a, vote thlakna tur polling station 12,500 awmin zing dar 7 aṭanga tlai dar 6 thleng vote thlak theih a ni ang. Candidate 345 zingah 40 te chu hmeichhia an ni. BJP leh TMC chuan bial tinah candidate an nei a, CPI-M in candidate 24 neiin, Congrss party in 12, independent candidate 96 an awm bawk.

North 24 Parganas district-ah constituency 33 awmin vote nei mi nuai 75 chuang an awm a, Howrah district-a bial 16-ah vote nei mi maktaduai 32 vel an awm bawk. Howrah district-a Domjur constituency chu vote nei tamna ber a ni a, voter nuai 2.57 an awm a, vote nei tlemna ber Bhatpara bialah chuan voter nuai 1.43 an awm.

Vawiina inthlanna neihna tur biala candidate langsar zual zingah State Finance Minister Amit Mitra leh minister hlui, jail-a tang mek Madan Mitra-te an tel. Madan Mitra hi Saradha-in investor-te sum tam tham tak a tihchingpen sak chungchangah inhnamhnawiha puhin man a ni a, Alipore jail-ah a tang mek a ni.