AMU-ah buaina chhuak

Uttar Pradesh-a Aligarh Muslim University campus-ah zirlai pawl hnihte inkarah buaina a chhuak a, zirlai pakhat a thi. Proctor office leh motor-te hal a ni bawk.

Buaina hi kar kalta Inrinni zana chhuak a ni a, silaite an hmetpuak nia sawi a ni. He thil thlen hnu hian AMU campus-ah hian venghimtu ṭha≠hnem tham tak dahluh nghal an ni.

Alirgarh Range police officer, Go≠vind Agarwal chuan zirlai pakhat, Mumtaz hostel-a awm chu kutthlakin a room halsak a ni a, hei vang hian proctor officer-ah kalin complaint a thehlut ta a ni, a ti. He thil thleng an hriat hian zirlai pawl hnihte chu an intibuai zui ta a ni.

Zirlaite hian jeep leh bike eng emaw zat an hal a, proctor office building pawh an hal tel bawk. Police-te dah luh an nih hnuah buaina chhuak chu an thunun nghal a, thil awmdan pawh an chhuizui nghal a ni.