Sorkarin Vijay Mallya passport a sutsak

Ministry of External Affairs chuan Vijay Mallya-a passport a s˚t. Kingfisher Airlines dintu hian ramchhunga bank hrang hrangah loan, cheng vaibelchhe 9,000 chuang a ba mek a ni.

MEA chuan Enforcement Directorate hnen aṭangin UK-a awm mek, Vijay Mallya hi India rama hruai kir tura ngenna pawh an dawng tih a sawi a, sorkar laipui chuan a chungthu ngaihtuah a nih theih nan Mallya hi hruai kir ngei a tum tih a tarlang.

Chief Judicial Magistrate Nupur chuan kar kalta Zirtawpni khan Air Asia pilot Akash Sharman complaint thehluh behchhanin Mallya manna tur thupek a tichhuak bawk. Sharma hi kum 2010-2012 chhung khan Kingfisher Airlines tan a thawk tih sawiin, a hlawh aṭangin cheng nuai 9 chu tun thlengin an la pe lo tih a sawi.