Leh-ah thuneitute'n pun khawm khapna an hlip

Climate activist, Sonam Wangchuk leh Leh Apex Body (LAB) te'n ramri pana kawng zawh an tum an ṭhulh thu an puan hnuah Thawhlehni khan Leh thuneitute chuan mipui pun khawm khapna an puan chu an ti tawp ve nghal.

Sonam Wangchuk leh LAB-te hian Ladakh-a ran vulhtute'n India leh China ramria an ran tlatna hmun atana an hman ṭhinte China-in a laksak leh awp chhunzawm avanga India-in a ram chin a venhim zawh lohna lantir nan April 7 khan ramri pana kawng zawh hi an tum a, mahse, kawng zawh tur dan nan hian Ladakh Lieutenant Governor hmalaknain Leh thuneitute chuan CrPC section 144 puangin, mipui pun khawm an khap chhunzawm a ni. Section 144 puan sutna hi Thawhlehni khan Leh District Magistrate, Santosh Sukhadeva chuan puangin, superintendent of police hnen aṭanga kawng zawh tum ṭhulhna leh thupek bawhchhiat luih tumna a awm lo tih hriat a nih hnuah section 144 hi sut a nih tak thu a sawi a ni.