Arvind Kejriwal man a nih chungchang Supreme Court-in vawiinah a ngaihtuah dawn

Delhi chief minister Arvind Kejriwal-a'n Delhi excise policy thubuai kaihhnawiha Enforcement Directorate (ED)-in an man a khinna chu Supreme Court chuan vawiin hian a ngaihtuah dawn.

Arvind Kejriwal-a'n man a nih a khinna hi Supreme Court-a judge pahnih ṭhut bench chuan an ngaihtuah dawn a ni. Judge hi Justice Sanjiv Khanna leh Dipankar Datta te an ni a, vawiin vek hian Delhi rouse avenue court-in ni 15 chhung Kejriwal hren a phalna chu a tawp dawn bawk a ni.

Kejriwal-a ukil, Abhishek Singhvi chuan April 10 khan Supreme Court-ah hian Kejriwal-a petition hi ngaihtuah vat tura a duh thu a sawi tawh a, mahse, April 11 leh 12 te court chawlh a nih avangin vawiin hian sawn a ngai ta a ni. Singhvi chuan Supreme Court-a petition theh luh a nih hian Kejriwal-a man a nih dan chu ṭan chhan mumal nei lo a nih thu a lo sawi tawh bawk.