Uttarakhand-ah ram hectare 1,900-a zau a kang

Uttarakhand state-ah ram hectare 1,900-a zau a kang a, kangmei chhuah nasatna hmunah hian a
ṭhelh turin Inrinni khan MI-17 helicopter pahnih tirh a ni. Ram kang vang hian mi parukin nunna an chan tawh bawk.

Chamoli, Pauri, Rudraprayag, Tehri, Uttarkashi, Almora, Pithoragarh leh Nainital-te chu ramkang tuar nasa district an ni a, kangmei chhuak ṭhelh hna hi NDRF team pathum leh SDRF company pakhat≠in an thawk mek a ni. Inrinni khan Nainital leh Pauri district-ah IAF chopper pahnih tirh an ni a, chunglam aṭangin tuiin an phuh a ni.

Ram kang tuar mek district hrang hrang tan pawh kangmei
ṭhelhna tura an mamawh ang sum pawh pek an ni bawk.

February thla aṭang khan Uttarakhand state-ah hian ram a kang fo a, ṭum 922 zet kangmei a chhuak tawh a ni. Ram kang hian ramngaw hectare 1890.79 zet a tuam tawh a,state chhung hmun tam taka a la kang mek bawk. Corbett Tiger Reserve, Rajaji Tiger Reserve leh Kedarnath Wildlife sanctuary-ahte ram hectare 550 vela zau a kang tawh a ni.

Inrinni khan state Governor KK Paul chuan ram kang ṭhelh hna thawh dante thlirin, official-te chu vidoe-conference a neihpui a, chak zawka hna thawk turin a ngen bawk.

Governor chuan ramkang ṭhelh tura dahte chu 3,000 aṭangin 6,000 ah tihpun an ni tih sawiin, agency hrang hrangte pawh an theih ang puibawm zel turin a sawm.

Haryana Chief Minister hlui, Harish Rawat chuan governor hnenah an state chu kangmei chhuak vanga chhiatna thlenna hmun tia puang turin a ngen a, tualchhung mite chu kangṭhelh hna thawhna kawngah an theih ang anga thawk chhuak turin a ngen bawk.