VVIP chopper deal chungchang Parrikar-an sawi dawn

Defence Minister Manohar Parrikar chuan vawiin≠a Parliament inkhawmah VVIP helicopter supply-na tur, AgustaWestland chopper deal chungchanga thil awm dan dik tak a sawi≠chhuak dawn tih a sawi.

Minister chuan tunlaia sawi hlawh tak, AgustaWestland hnena inremna siampui a nih danah dan thlahdul a nih dante, company in contract a hmuh theihna tura thamna sum dawng nia puhte chhui chiangin, dik lo taka thiltite chu thubuai siam≠sak an ni dawn tih a sawi.

Inremna siam chungchanga thil awmdan finfiah ngaite chu finfiah vek a ni dawn a, mahse Parliament-ah sawichhuah a nih dawn avangin a hranpa-a lo sawi hmasak a tum lo tih a sawilang nghal bawk.

AgustaWestland deal chungchangah hian Cong≠ress leh BJP chu na takin an inpuh tawn mek a ni. He inremna hi Congress kaih≠hruai, UPA sorkar laia siam a ni a, mahse UPA sorkar chuan thil dik tawk lo a awm tih hriatchhuah a nih hnuah inremna siam tawh hi a cancel a, AgustaWestland company pawh blacklist-ah a telh a ni. Hetihlai hian BJP chuan company hi BJP kaihhruai NDA a sorkar hnuah chauh company khapna hi siam a nih thu a sawi thung.