WBengal inthlanah vote 78.25% a tla

West Bengal inthlan thawh nga-na, kar kalta Inrinni-a neih takah vote 78.25% a tla.

Inthlan thawh nga-na hi assembly bial 53, district pathum Hoogly, Kolkata South leh South 24 Parganas huam chhungah neih a ni a, boruak ṭha tak hnuai vote thlak a ni a, buaina lian tham chhuak a awm lo. Kum 2014 assembly inthlanah khan heng bialah hian vote 80.22% a tla a ni.

Deputy Election Commissioner leh in-charge West Bengal, Sandeep Saxena chuan inthlan ni hian FIR pathum ziah luh a ni a, mi 186 man an ni bawk tih sawiin, harsatna lian tham thleng a awm lo tih a sawi. South 24 Parganas-ah mi 83 man an ni a, Hooghly-ah mi 56 leh Kolkata South-ah mi 47 man a ni.

FIR hi Satgachhia assembly biala Trinamool Congress candidate, Sonali Guha lakah theh≠luh a ni a, voter-te thlem tum leh, candidate dang thlawptu voter-te chu a polling agent-ten hnawhbo an tum nia puh a ni. Hooghly-ah pawh hmeichhe 50 vel thlak tumte lo dangtu mi pakhat man a ni bawk.

Tarkeshwar leh Arambagh-a presiding offi≠cer-te lakah FIR thehluh a ni bawk a, party leh candidate an ṭan zawngte lo puiah an puh a ni.