Delhi-ah diesel hmang taxi-ten nawrh huaihawt

Supreme Court thupek angin May 1 aṭang khan Delhi khawpuia petrol leh diesel hmang motor tlan khap a ni a, compressed natural gas (CNG) hmang chauh tlantir phal a ni.

Court thupek avang hian nimin khan Delhi chhehvelah diesel hmang taxi-te chuan nawrh huaihawtin kawngpui an dang a, traffic a buai phah hle.

Taxi driver-te hian Gurgaon leh Noida pawhtu kawngpuite an dang a, hei hian Delhi-Gurgaon inkar kawngah traffic jam nasa taka siamin, km 1 chuanga thui motor an intlar a ni. Noida lamah pawh kawngpui dan vangin motor tlanten harsatna an tawh phah bawk.

Taxi operator-te hian May 1 aṭanga CNG hmang chauh Delhi leh National Capital Region (NCP) a tlan phalsakna tur thupek siam hi, an taxi-te CNG mode-a thlak tura hun pek belh turin dil mah se court chuan a remti lo a ni. Taxi driver-te chu thla hnih hun pek an ni tawh tih sawiin, May 1 aṭang khan thupek hi a taka hman
ṭan a ni.