Meghalaya district tinah mini secretariat din dawn

Meghalaya sorkar chuan an state chhunga district zawng zawng 11-ah mini secretariat siam tum a nih thu a tarlang a, an state-a district upa pahnih, Jowai leh Tura-ah siam hmasak tum a ni. 

Mini secretariat siam tum a nih chhan hi department pawimawh zual ten chak zawka hna an thawh theihna atana tih a ni a, "Buiding pakhata hna thawh ho a nih theih chuan hna thawh  a kalchak phah thei a ni," tiin deputy chief minister Prestone Tynsong chuan a sawi.

Hemi chungchangah hian sorkarin hma a lak chhan ber chu pakhat chu Jowai district-a Public Works Department (PWD) North Division office chu West Jaintia Hills-a Shangpung khuaa sawn a tum vang a ni a, hemi hi mipuite chuan duh loin an dodal nasa hle a ni.  Tynsong chuan PWD office sawn tum chungchangah hian politics a inrawlh loh thu a sawi a, sorkar leh mipuite chu inhnaih zual zel se an tih vanga sawn tum a ni thu a sawi bawk.