India leh China-in inbiakna nei leh thuai dawn

India leh China chu Nov. 6 khan Ladakh hmar lama Chushul hmunah a ṭum riatna atan commander level-a inbiakna an nei leh a, he inbiakna neih hi a hlawhtlin thawkhat avangin inbiakna an nei leh thuai dawn niin sorkar laipui chuan a tarlang.

Ram pahnihte hi ramri chungchangah an lo inbe fo tawh a, November 6-a an inbiakna pawh kha hlawhtling thawkhatin lang mah se, inremna mumal tak erawh siam a la ni lo. Kha inbiaknaah khan India leh China inrina Line of Actual Control (LAC)-a hmalak dan tur an relte chu inhnial buai loin ram pahnihte chuan a thuphungin an pawm niin sorkar chuan a tarlang lang a, hei vang hian inbiakna hi neih leh thuai tum a ni. Mahse hma lakna tak tak erawh an nei dawn em tih chu a la hriat loh thung.