Tun ṭum inthlan hi constitution kalhtute hremna hun a ni ang : PM Modi

Bihar, Gaya district-a nimina election rally neihnaah, prime minister Narendra Modi chuan Lok Sabha inthlan lo awm tur chu India constitution kalha chete leh sorkar laipui hmalakna, India hmasawn leh changkang zawk siamna tur dodaltute hremna hun tur a nih thu a sawi.

Election rally neihah PM Modi hian thu sawiin, Bihar-a Rashtriya Janata Dal (RJD) leh Congress-te chu constitution hmanga politics khelah a puh a, "Congress leh a thawhpuite hian keimah min beih nan hrim hrim constitution denchhenin dawt an sawi ṭhin. NDA erawh chuan constitution hi a zah a, Ambedkar meuh pawhin a thlak thei lo," a ti. "RJD hian Bihar tan thil pahnih chiah a la ti a, chu chu eirukna leh jungle raj din a ni. An sorkar hun lai khan Bihar-ah eirukna hi thlai thar ang maiin a duah a ni," tiin PM Modi hian a sawi bawk.

Gaya constituency-ah hian Lok Sabha inthlan lo awm tur atan Bihar chief minister hlui leh Hindustan Awam Morcha (HAM) dintu, Jitan Ram Manjhi chu NDA candidate-in a ding dawn a, PM Modi hian a campaign rally-ah hian a telpui a ni.