Kejriwal kaihhruai sorkar hna thawh tarlanna website tlangzarh

Aam Admi Party (AAP) chuan Lok Sabha inthlan lo awm tur inbuatsaihna leh an party campaign pui turin, AAP hruaitu, Arvind Kejriwal-a kaihhruai sorkar hnuaia an hnathawhte tarlanna, AAP ka Ram Rajya website chu nimin khan an tlangzarh

Nimin khan AAP hian press conference neiin, AAP MP Sanjay Singh chuan website tlangzarhna hi a nei a, AAP ka Ram Rajya chu AAP-in Ram Rajya bulṭhut an tarlanna leh, Delhi chief minister Arvind Kejriwal-a'n Lord Ram-a duhthusamte India ram khawpuia tihpuitlin a tumna tarlanna a nih thu a sawi. Sanjay Singh chuan,"CM Kejriwal hian thil ropui tak tak a tihlawhtling a, sikul ṭha, mohalla clinic, a thlawna tui leh eng pek bakah hmeichhe tan a thlawna bus-a chuan chu kum 10 liam ta chhunga Ram Rajya duhthusam puitlinna vek a ni," tiin, kumin chu Ram Navami-a Kejriwal-a mipui zinga a awm loh vawi khatna a nih thu a sawi tel bawk.