Sorkar laipuiin Sanskrit University 3 din a tum

Sorkar laipui chuan ram≠chhunga Sankrit chawi lar tumin hma a la mek a, Union Minister Smriti Irani chuan Lok Sabha-ah Sanskrit University pathum din a nih tur thu a sawi.

Lok Sabha-a report thehluhah, Education Ministry chuan Sanskrit Deemed University pathum dinna tur hi sorkar laipuiin sum a pe dawn tih a sawi a, heng zinga pahnih chu Delhi-ah dahin, pakhat chu Tirupati-ah dah a ni dawn tih a tarlang.

Kum 2014-a Second Sanskrit Commission din a nih hnua Sanskirt tihhmasawn dan kawng ruahmanna siamtu tur committee, kum 2015-a din chuan an term zawh hmain report a thehluh hman lo niin ministry chuan a sawi bawk.

Education Ministry in Sanskirt ṭawng chawilar a tumna hian sawizui a hlawh hle. April thla khan Lok Sabha-ah vek hian IIT-te chu Sankrit ṭawng zirtir vek tura ngen an nih thu hrilh a lo ni tawh a, hei hi eptu lam chuan na takin an sawisel a ni.

Nikum khan BJP sorkar chuan central sorkar hnuaia Kendriya Vidyalaya 500 chuangah German ṭawng an zirtir ṭhin chu Sanskir-a thlak turin thutlukna a lo siam tawh bawk. Mahse sawiselna tam tak a awm hnuin, minister Irani chuan Sanskirt ṭawng compulsory-a dah tura phutna chu a hnawl ta a ni.