Ramchhung hmarlamah khaw lum zual zel

Ramchhung hmar lamah khawlumin zual lam a la pan zel a, khawlum lutuk avang hian Telangana leh Odisha state-ah mi tam tak an thi tawh.

Haryana-a Hisar chu khaw lumna ber niin, a lum zawng hi degree celsium 45.5 a tling a ni. Uttar Pradesh-a Banda-ah 45.2 degree a ni bawk. Delhi khawpui lum lam chu 44 degree celsius a ni a, thawhṭanni khan kumin chhunga a lum ber ni a ni.

Bihar state-ah chuan chhum a rawn lan tak avangin khaw lum lutuk hian ziaawm lam a pan a, khaw chin zirtute chuan ni reilote hnuah ruah a sur dawn niin an tarlang.

Telangana state-ah chuan khawlum vanga thi hi Thawh-
ṭanni thleng khan mi 178 an tling tawh a, Nalgona district bikah pawh mi 53 an thi a, Mabhubnagar-ah mi 33 an thi niin disaster management control official chuan a sawi. Odisha-a khawlum vanga thi hi mi 140 an awm tawh bawk.

Hetihlai hian khawchhak lamah chuan ruah leh rialte a thawk nasa hle thung a, hmarchhak state ṭhenkhatah chuan ruahsur leh ṭek tlain chenna in eng emaw zat a tichhia a, hmun tam takah lei a min bawk.