Mallya banna lehkha hnawlsak

Rajya Sabha Chair­man Hamid Ansari chuan independent Rajya Sabha member, Vijay Mallya-an MP a nihna aṭanga banna lehkha a thehluh chu a hnawlsak.

Hamid Ansair chuan Mallya banna leh­kha thehluh hian RS procedure a zawm loh vang leh, a signature a tel loh avangina hnawl tih a sawi.

Mallya hi a leibatna bank-te Supreme Court-ah an zualko hnuah London lamah a kal a, heta ṭang hian Rajya Sabha Chairman hnenah hian a banna lehkha hi a ziak a ni.

Hetihlai hian Rajya Sabha Ethics Committee chuan nimin khan Mallya hi Rajya Sabha member a nihna aṭanga ban tura rawtna a siam chu House-ah a pharh ve bawk.

Ethics committee hian meeting an neihah House hnenah Vijay Mallya ban nghal tura rawtna thehlut turin thutlukna an lo siam tawh a ni. Committee rawtna siam hi House-a pharh a nih hmain Mallya hian a banna lehkha hi a thehlut a ni.