Delhi Police-ten JeM firfiak 12 an man

Delhi Police-te chuan nimin khan Delhi khawpui chhung hmun hrang hrang an dapnaah Jaish-e-Mohammed (JeM) firfiak pawl member nia hrait mi 12 an man.

Delhi Police Special Cell chuan firfiakten khawpui chhunga pawikhawihna thlen an tum nia thu an dawn bawhzuiin, firfiakte man tum hian beihpui an thlak nghal a ni. Team 12-ah insiamin, zing aṭangin hmun hrang hrang an dapkual nghal a, firfiak nia rinhlelhte hi an man bakah, an kut ṭang hian IED leh bomb siamna hman-ruate an man tel bawk.

JeM hian khawpui chhunga hmun pawimawhah pawikhawihna lian tak thlen tumin hma an la mek nia hriat a ni. Firfiakte man an nih hnu hian sorkar building pawimawh hrang hrangahte venhimna khauh taka kalpui nghal a ni.