BJP-in MCC bawhchhiaah Mamata Banerjee an puh

Bharatiya Janata Party (BJP) chuan Nilaini khan Election Commission of India (ECI) hnenah West Bengal chief minister Mamata Banerjee chuan Model Code of Conduct (MCC) a bawhchhia nia puhin complaint an theh lut.

BJP hian Mamata hi Jalpaiguri district-a Maynaguri-a election rally a neihnaah mipui pung khawmte chu tharum thawh zawnga che turin a fuihpawrh niin an sawi. Election Commission hnena complaint an theh luhah hian BJP chuan,"Ka motor an hmuh rualin rukru tiin min au el a, inthlan lai ni lo se la chuan keimah ngeiin an lei ka pawt dawk ang," tiin Mamata chuan a sawi niin an tarlang. Hei hi mipui pung khawmte fuihpawrhna a nih thu leh, inthlan lai danin a khap tlat zinga mi a nih thu te, MCC bawhchhiatna chiang tak a nih thu te BJP chuan an sawi bawk.