DRDO-in hlawhtling takin long range subsonic cruise missile enchhin

Defence Research and Development Organisation (DRDO) chuan Odisha tuipui kam, Chandipur-a Integrated Test Range (ITR) aṭangin Ningani khan tualchhunga siam long range subsonic cruise missile enchhinna an neih thu an puang.

Missile enchhinna hlawhtling taka an neih chungchangah hian DRDO chuan thuchhuah siamin,"Missile enchhinah hian waypoint navigation hmangin kan duh ang takin a kal thei a, hniam teah thlawkin, tuipui a hrut kan tih angin a thlawk a ni. En chhinnaah hian beisei angin engkim tluang takin a kal a ni," tiin an tarlang. Missile dinhmun leh a theihna chungchang hi chiang takin DRDO hian an tarlang lo thung a, tun hmaa an lo en chhin fo tawh, Nirbhay subsonic cruise missile nen erawh a inang hle a ni.

He long range subsonic cruise missile hi Indigenous Technology Cruise Missile (ITCM) hnuaia siam a ni a, sensor chi hrang hrang; radar, Electro Optical Tracking System (EOTS) leh telemetry hmangtea en dik niin, enchhina neih a nih lai hian Indian Air Force fighter jet, Su-30-Mk-I-in a vil bawk a ni. Bengaluru-a DRDO laboratory, Aeronautical Development Establishment (ADE) -te'n an siam niin, India-in ama kut kawih ngeia a siam missile a nei thei tur chu defence minister Rajnath Singh pawhin lawmawm a tih thu a sawi.