Delhi BJP-in Hindu puithiam leh zawlneite pun khawm buatsaih

Delhi-a BJP chuan Lok Sabha inthlan an hmachhawn mai tur urlawk nan, Delhi-a Indira Gandhi Indoor (IGI) stadium-ah nimin khan Hindu puithiam, mi thianghlim leh zawlneite pun khawmna hun an buatsaih.

BJP chuan he hun hi Hindu-te kum thar leh Ayodhya-a Ram temple sak zawh a nih tak lawmna a nih thu sawiin, Delhi BJP president, Virendra Sachdeva chuan Hindu mi pawimawh tak tak kal khawmte chuan Santana Dharma pawimawhna an zirtir tur thu a sawi a ni. IGI stadium-ah hian Hindu sakhaw vuantu mi 31,000 chuang an kal khawm bakah, puithiam, zawlnei leh temple-a rawngbawltu mi 5,000 chuang an kal khawm bawk.

Pun khawmnaah hian Hanuman Chalisa chham rualna an nei a, sorkar laipuia minister leh BJP hruaitu eng emaw zatin an telpui a ni.