Naupang kum 3-6 tana zir theih tur ruahmanna siam tlangzarh

Ministry of Women and Child Development (MWCD) chuan ram chhunga anganwadi centre nuai 14 chuanga naupang kum 3 aṭanga kum 6 inkarte'n, sikul an kal ṭan hmaa an zir leh thiam theih tur thil chi hrang hrang ruahmanna a siamte a tlangzarh.

MWCD-in National Curriculum for Early Childhood Care and Education 2024, Aadharshila an tih a tlangzarh tak hi National Education Policy 2020 leh National Curriculum Framework te rawtna dungzuia buatsaih a ni a, hei hi anganwadi-a naupang kum 3 aṭanga kum 6 ruk inkarte'n kar 48 chhunga thiam thil an zir tur leh zir theih chi hrang hrangte an ni.

NCERT official leh he ruahmanna siamtu committee zinga mi, Professor Venita Kaul chuan naupang tam tak chu ziak leh chhiar pawh thiam loa sikul an kal ṭan tawp thu te sawiin, hei vang hian India rama anganwadi nuai 14 chuang awma, nu leh naupang hriselna dinhmun endik ringawt lo hian ministry of education nen anganwadi chu pre-school anga kalpui nghal an duh thu hi a sawi.