Chief of Naval Staff thar ruat

Sorkar laipui chuan Indian Navy hotu lu ber, Chief of Naval Staff atan Vice-Admiral Dinesh Kumar Tripathi chu a ruat thu a puang. Tripathi hian chief of naval staff ni lai, Admiral R. Hari Kumar a thlak ang.

Dinesh Kumar Tripathi hi vice chief of naval staff a ni mek a, April 30-a retire tur, R. Hari Kumar a chhuah rual hian Indian navy-a officer senior ber a ni dawn a ni. Sorkar laipui thuchhuahah Tripathi hi chief of naval staff atana ruat a nih thu tarlan a ni a, he nihna hi April 30, 2024-a R. Hari Kumar a chhuah veleh a keng tlang nghal dawn a ni, a ti.

Vice-Admiral, Dinesh Kumar Tripathi hian July 1, 1985 khan Navy hi a zawm a, Navy chief of personnel pawh lo ni tawhin, chief of naval staff atana ruat a nih hma hian January 2024 khan western naval command chief atan ruat a lo ni tawh bawk a ni.