President-in mi 55 hnenah Padma award hlan

President Droupadi Murmu chuan Thawhṭanni khan Rashtrapati Bhawan-a Darbar Hall-ah Padma award hlanna hun a hmang a, mi 66 hnenah padma award hi a hlan a ni.

Award hlannaah hian Vice president Jagdeep Dhankar, prime minister Narendra Modi leh union minister eng emaw zat an tel.

Thawhṭannia Padma award hlanah hian India President hlui M. Venkaiah Naidu bakah, Sulabh international dintu, Bindeshwar Pathak leh Bharatanatyam lam thiam, Padma Subrahmanyan te chu India rama civil mi chawimawina sang ber dawttu Padma Vibhushan hlan an ni. Civil mi chawimawina sang ber pathumna an tih; Padma Bhushan hi lemchan thiam; Mithun Chakraborty bakah zaithiam Usha Uthup te, Uttar Pradesh governor hlui, Ram Naik leh sumdawng lian, Sitaram Jindal leh mi dang palite hnenah hlan a ni bawk. President Murma hian mi 55 hnenah Padma Shree hi a hlan bawk a ni.

President Murmu hian kum 2024 atana Padma award hlan tur hi mi 132 a pawm tawh a, Padma Vibhushan panga, Padma Bhushan 17 leh Padma Shri 110 a hlan ang. Thawhṭanni khan Padma award hlan tura pawm tawh zinga a chanve vel chu hlan an ni tawh a, a bak zawng hi kar thar lamah hlan leh tum a ni.