ECI-in BJP leh Congress notice a pe

Election Commission of India (ECI) chuan nimin khan inthlan kaihhnawih dan bawhchhiat chungchangah Bharatiya Janata Party (BJP) leh Congress te notice a pe. BJP leh Congress te hian Model Code of Conduct (MCC) bawhchhiaah an inpuh tawn a ni.

ECI hian party pahnihte notice a pek chungchangah hian BJP hruaitu, Narendra Modi leh Congress hruaitu, Rahul Gandhi te'n inthlan campaign-naah inhuatna leh inṭhendarhna hawia thu an sawi avanga complaint lut an bawhzuina a nih thu an tarlang. ECI-in notice a pekah hian party pahnih hruaitu; BJP-ah JP Nadda leh Congress-ah Mallikarjun Kharge te hnen aṭangin insawi fiahna an phut a, an insawi fiahna hi April 29, chawhma dar 11 aia tlai loah theh lut turin an hriattir a ni.