SC-in ukilte thu pawimawh hriattir nan Whatsapp hmang tawh dawn

Chief Justice of India (CJI), DY Chandrachud chuan Supreme Court-in ukilte hnena court-in hriattirna a pek ṭhin; ni khat chhunga a ngaihtuah tur, ngaihtuah tura case pawm leh case list ang chite chu Whatsapp kaltlanga a thawn tawh tur thu a puang.

DY Chandrachud chuan,"A kum 75-naah Supreme Court chuan rorelna dik neihna tur kawnga a tha tihchak nan Whatsapp message leh Supreme Court-a khawl lam hman theihte a kaikawp dawn ta a ni," a ti. He hmalakna kaltlang hian ukilte chuan ngaihtuah tura case lak luhte message-in an dawng tawh anga, bar member-te pawhin an thu ngaihtuah turte tlangzarh a nih rualin an phone-ah an dawng thei tawh dawn a ni. CJI hian Supreme Court official Whatsapp number chu tlangzarh nghalin, message leh call dawn an tum loh thu a sawi tel bawk a ni.