Civil mi beihnaa inhnamhnawiha rinhlelh mi 67 man

Rajouri district, Jammu & Kashmir-a Lashkar-e-Taiba (LeT) firfiak pawl mi pahnihin civil mi pakhat an thah chungchangah police-te chuan rinhlelh thilah mi 67 an man tawh thu an puang.

Jammu & Kashmir-a LeT helpawla tel ni ngeia hriat mi pahnihte chuan Thawhṭanni khan Rajouri district Thanamandi area-a Kunda khaw chung lam an bei a, helpawlin an beihnaah hian Mohmammad Razaq chu a thi a ni. Police-te hian pawikhawihna thleng hi an chhui zui zel a, Jammu zone Additional Director General of Police, Anand Jain chuan finfiahna an hmuh leh mi rintlak tak hnen aṭanga thu an dawn danin, Kunda khaw beihtute zinga mi pakhat chu Abu Hamza a nih thu sawiin, Hamza awmna hrilh theitu hnenah Rs. nuai 10 pek an tiam bawk a ni.