Delhi Health Minister-in face mask vaccine anga ngai turin ngen

Delhi health minister Satyendar Jain chuan mipuite chu hri leng laka invenna atana face mask ngai pawimawh turin a ngen a, 'Face mask hi Covid-19 vaccine anga ngaih tur a ni" a ti. 

Delhi-ah hian hri kai an pung chho chak leh hle a, hei vang hian Delhi khawpuia chengte chu hri leng lakah leh hri thihpui lo tura theihtawpa fimkhur turin a chah. 

"Lockdown puan a nih lai khan case a tlahniam vak lo. Mahse mi zawng zawngin face mask hi vuah ila chuan hri darh tur hi eng emaw chen chu a thunun theih dawn a ni. Vaccine awm hma chu face mask hi vaccine angah ngaih tur a ni," a ti.

Covid-19 leng bakah, Delhi leh National Capital Region (NRC) boruak bawlhhlawh belh zel avangin air pollution laka invenna atan pawh face mask chu a pawimawh hle tih minister chuan a sawi.