GST ba avangin Patanjali foods hnenah show cause notice pe

Goods and Services Tax (GST) intelligence department chuan ei leh in lam siamtu company, Patanjali foods chu GST pek loh eng emaw zat an neih avangin show cause notice a pe.

Chandigarh zonal unit Directorate General of GST Intelligence hnen aṭangin show cause notice hi an dawng a, GST intelligence department chuan Patanjali foods hi GST aṭanga an ba, Rs. vbc. 27.46 leh a pung tur zawng zawngte laksak a, hremna pek an nih loh chhan tur sawi fiah turin an hriattir a ni. GST intelligence department hian Central Goods and Services Act, 2017 bakah Uttarakhand State Goods and Services Act, 2017 leh Integrated Goods and Services Tax (IGST) Act, 2017 te ṭanchhanin, Patanjali foods hian dan an bawhchhia niin an tarlang a, tun dinhmunah erawh chuan Patanjali foods hi insawi fiahna hun pek phawt niin, hremna pek an la ni rih dawn lo a ni.

Patanjali foods Ltd. hi Ruchi Soya Industries Ltd. tih a ni ṭhin a, 1986-a din a ni. Têl ei theih bakah ei tur chi hrang hrang siamtu an ni a, an thil siam lar tak tak zingah Ruchi Gold leh Nutrela te a tel. Patanjali foods neitu hi Yoga guru, Baba Ramdev a ni a, Patanjali Ayurved group firm hnuaia awm niin, têl ei tur chi an siam ber.