Tu mahin Jammu & Kashmir tan article 370 an pe thei tawh lo : Amit Shah

Union Home Minister, Amit Shah chuan Bihar-a election rally neihnaah thu sawiin, Uniform Civil Code (UCC) bakah, triple talaq leh article 370 chungchangte a sawi a, prime minister Narendra Modi kaihhruai sorkar chuan an sorkar chhungin Bihar tana hna ṭha tak an thawh thu a sawi.

Amit Shah chuan sorkarna an siam leh a nih chuan ram puma UCC an kalpui tur thu a sawi a, eptu party hruaitute'n sorkarna an siam chuan Jammu & Kashmir tana article 370 an pek leh tur thu an sawi chu BJP worker pakhat lek pawh a dam chhung chu tu mahin an pek let theih tawh loh tur a nih thu a sawi. Amit Shah hian PM Modi sorkar hnuaiah Bihar leh Jharkhand-a Maoist helna chu tihtawp a nih thu a sawi bawk a, BJP-in sorkarna a siam leh ngei tur thu sawiin, Congress chuan sorkarna an siam dawn loh avangin an thu sawi engmah awih tur a awm lo a ni, a ti.