'Ka dam chhung chuan Muslim tan quota siam a ni lo ang': PM Modi

Prime minister Narendra Modi chuan Telangana Zaheerabad-a election rally-ah thu sawiin, a dam chhung chuan India constitution-a Scheduled Caste (SC)/Scheduled Tribe (ST) leh Backward Classes (BC) te tana reservation siam chu Muslim-te tana pek a nih loh tur thu a sawi.

PM Modi chuan,"Dr. BR Ambedkar-a kaihhruai kan constitution siamtute khan sakhuana denchhena quota pek loh tur tiin thutlukna an siam a, SC/ST leh OBC-te tan chauh an siam a ni. Hetih lai hian Congress leh an lal fapa (Rahul Gandhi)-te chuan India constitution hi palzutin, politics-a vote zawn nan dinhmun hniam zawkte tana quota siam chu Muslim-te tana pek ve tumin an bei mek a ni," a ti.

Modi hian Telangana-ah hian Telugu-in darkar khat chuang zet thu a sawi a, India constitution siam a nih cham vawi 75-na chu Prime Minister a nih term thumnaah ropui taka lawm tum a nih thu leh, Congress-in constitution an zah lohna leh a pawp lai zawnga an hamṭhatna atana hman an tum dan zawng zawng pawh pho chhuah vek a tum thu a sawi tel bawk.