PM Modi khing turin comedian Rangeela-a'n nomination theh lut

Fiamthu thiam leh mi tihdan zir thiam vanga lar, Shyam Rangeela chuan Varanasi, Uttar Pradesh aṭanga Lok Sabha seat chuh turin nimin khan nomination a thehlut. Varanasi-ah hian inthlan thawh sarihna, June 1-ah vote thlak a ni ang.

Varanasi LS seat-ah hian prime minister Narendra Modi a ding dawn a, he seat aṭang vek hian Shyam Rangeela chuan independent-in LS seat hi a chuh ve dawn a ni. Shyam Rangeela hi PM Modi tihdan zir ṭhin, a thiam em avanga lar a ni a, Surat leh Indore-a chuhtu awm loh avanga BJP candidate; Mukesh Dalal leh Shankar Lalwani te tlin ang ngawt chuan PM Modi chu tlintir a tum loh thu a sawi. Rangeela hian April 25 khan social media kaltlangin a follower-te chu Varanasi aṭangin Lok Sabha seat independent-in a chuh duh ang em tiin a zawt a ni.