Hri kai mek aiin enkawl dam nuai 48 chuangin tam tawh

Union health ministry chuan nimin khan ram chhunga Covid-19 kai mek aiin he hri kai enkawl dam tawh chu nuai 48 chuangin an tawh zawk tih a tarlang. Nimin khan India recovery rate pawh 85% ah a kai chho tawh a ni. 

Nitina hri kai hmuh thar, positivity rate pawh a tlahniam a, September 16-22 chhunga positivity rate 9.2% ni ṭhin chu September 30 - October 6-ah chuan 6.8% ah a tla thla tawh a ni. Hri kai mek, active rate pawh kar hnih chhung chu nuai 10 hnuai lam an ni tawh bawk. 

Ministry chuan hripui thihpui zat, fatality rate pawh a tlahniam zel tih sawiin, nimina fatality rate chu 1.55% ah a tlahniam tawh bawk. Covid-19 vaccine pawh nakkum kum tir lamah supply theih beisei a nih thu health ministry chuan a tarlang bawk. 

Sorkar laipui chuan ram pawna N-95 mask thawnchhuah khapna a siam chu Thawhlehni aṭang khan a titawp. 

Hemi chungchangah hian Directorate General of Foreign Trade (DGFT) chuan thuchhuah siamin,  N-95/FFP-2 leh a anpui dangte export policy chu restricted aṭangin free category-ah dah a nih thu a sawi.