AgustaWestland scam : Thamna atan Rs vbch 50 hmang

VVIP Helicopter leina tura thil dik tawk lo awmte chhuina kal zelah, inremna siam tura company-in thamna cheng vaibelchhe 360 a pek zing≠ah, media mite thamna atan cheng vaibelchhe 50 an hmang nia tarlan a ni.

OneIndia News-in a tarlan danin, AgustaWestland company hian cheng vaibelchhe 3,600 man inremna siam a nih theih nan hian mi hrang hrangte hnenah thamna tam tham tak a pe a, an inremna chungchanga media mite ka hupna atan cheng vaibelchhe 50 an seng bawk a ni, a ti.

Hemi hma hian senior journalist pakhat chu VVIP chopper scam kaihhnawihah hian Enforcement Directorate (ED) chuan an lo chhui tawh a ni. He journalist hi Hindi news channel-a thawk niin, AgustaWestland bultumin a nupui nen Italy ramahte an kal nia sawi a ni. ED official-te chuan he journalist leh a chhungte tan hian cheng nuai 28 sen a ni tih an sawi bawk.

Nimina Rajya Sabha inkawmah VVIP chopper scam chungchang hi sawi≠chhuak lehin, Congress MP-ten bengchheng an siam avangin minute 30 chhung rorel inkhawm tihtawp a ni. Congress hruaitu Ghulam Nabi Azad chuan AgustaWestland chungchanghi BJP chuan state assembly neihna tura Congress party beihna atan a hmang niin a puh. Prime Mi≠nis≠ter Narendra Modi chuan hemi chungchang hi House pawn lamah sawi≠chhuakin, House dan leh dunte a palzut a ni, a ti. Hei vang hian pawn lama a sawidan ang chu House chhunga sawi leh turin an phut bawk.