Loneitu pawlin sorkar rawtna hnawl

Loneitu pawl, Kisan Mazdoor Sangharsh Committee chuan sorkar laipuiin farm law siam thar chungchanga inbiakna neihpui tura a rawtna chu an hnawl. 

Kisan Mazdoor Sangharsh Committee state secretary Sarvar Singh Pandher chuan union agriculture minister chuan Thawhlehni khan biain, Delhi-ah October 8-a inbiakna neihpui turin a sawm tih a sawi. Mahse sorkar laipui chuan an pawl thil phutte a ngaih pawimawh tawk loh avangin meeting neihpui an tum lo tih a sawi bawk. 

BJP kaihhruai NDA sorkarin farm law pathum a siam thar,  Essential Commodities (Amendment) Ordinance 2020; Farmers (Empowerment and Protection) Agreement of Price Assurance and Farm Services Ordinance, 2020; leh Agricultural Produce Marketing Committee (APMC) Act  te chu ram chhung hmun hrang hrangah dodalna an la lantir chhunzawm zel. Loneituten he dan siam thar hi nasa takin an dodal a, eptu party hrang hrangten an thlawp bawk. Hetih lai hian sorkar chuan heng law tharte hi agriculture sector siamṭhatna tur niin a sawi thung.