Gujarat-a khaw parukah inthlan boycott

Lok Sabha inthlanpui 2024 thawh thumna, Thawhlehnia neih zawh taka state inthlang zingah Gujarat-a khaw parukin inthlan boycott-in vote an thlak lo niin sorkar official-te chuan an puang.

Gujarat Chief Electoral Officer (CEO) chuan Bharuch district-a Kesar khua, Surat district-a Sanadhara khua leh Banaskantha district-a Bhakari khaw mipuite chuan inthlan ni hian tu mahin vote an thlak loh thu a sawi a, tin, Bhatgam khua bakah Bodoli leh Kunjara khaw mi ṭhenkhat chuan vote an thlak duh lo lui bawk niin a sawi.

Election Commission of India (ECI)-in a tarlan danin Sanadhara khuaah hian voter 320 vel an awm a, thuneitute nena an khuaa hmalakna tur chungchang an sawiho tihhlawhtlin a la nih loh avanga inthlan boycott an nih thu an tarlang. Bhakari khuaah hian voter 300 vel awm bawkin, an khaw gram panchayat chungchanga an thil phut nawr nan vote an thlak lo ve bawk. Kesar khuaa voter 350-te pawhin an khaw luia lei dawh an phutna, vawi tam tak an sawi tawh siam a la ni lo chu an lungawi loh thu sawiin, inthlan boycott-in vote an thlak lo bawk a ni.